ကိုယ်ရေးအကျဉ်း

စာရေးဆရာ Picture

ကိုကို

အဖ ဦးထွန်းတင် + အမိဒေါ်ညိမ်းရှင်တို့က ဧရာဝတီတိုင်း၊ မြောင်းမြခရိုင်၌ ၁၉၂၂ ခုနှစ်၊ မေလ ၂၁ ရက်နေ့တွင် မွေးဖွားသည်။အကြီးဆုံးသားဖြစ်၍အမည်ရင်းမှာဦးကိုကိုဖြစ်သည်။ မြောင်းမြ အစိုးရ အထက်တန်း ကျောင်းသား ဘ၀ တွင် ကျောင်းမဂ္ဂဇင်းများ၌ အင်္ဂလိပ်စာ တွဲဖက်စာ တည်းအဖြစ် ဆောင်ရွက် ခဲ့၍ အင်္ဂလိပ်ဘာသာဆောင်းပါးနှင့် မြန်မာဘာသာပြန်ဝတ္ထုများကို ရေးသား ခဲ့သည်။ ၁၉၃၈ခုနှစ်တွင် မြောင်းမြခရိုင် ကျောင်းသားသမဂ္ဂ အတွင်းရေးမှူးနှင့် တို့ဗမာအစည်းဘာသာ ပြန်ဆောင်းပါးများ အရုံးခေါင်း ဆောင်တစ်ဦးအဖြစ် တာဝန်ယူခဲ့သည်။ ၁၉၄၀ ခုနှစ်တွင် ရန်ကုန်သို့ရောက်၍ စနေနဂါး ဂျာနယ်၌ စတင်ရေး သားကာ ဆယ်သန်းသတင်းစာတွင် ညအယ်ဒီတာလုပ် သည်။
ဖက်ဆစ်တော်လှန်ရေးကာလတွင် ဗိုလ်မှူးဗထူးတပ်၌ နိုင်ငံရေးနှင့် ဝါဒဖြန့်ချိရေးတာဝန်ကို ထမ်းဆောင် ခဲ့သည်။ ထို့နောက်တွင် လူထုပညာရေးကောင်စီနှင့် နိုင်ငံခြားရုပ်ရှင်တင်သွင်းရေး အေဂျင်စီလုပ်ကိုင်ပြီး၊ ရုပ်ရှင်လုပ်ငန်းကော်ပိုရေးရှင်း(ရုံးချုပ်) တွဲဖက်ညွှန်ကြားရေးမှူးအဖြစ် အငြိမ်း စားယူခဲ့သည်။ မြန်မာနိုင်ငံ စာရေးဆရာသမဂ္ဂကို ဦးစီးတည်ထောင်ခဲ့သူတစ်ဦးဖြစ်သည်။ စာပေလုပ် သားအဖွဲ့ဖြစ်မြောက် ရေးကော်မတီဝင်တစ်ဦးအဖြစ် တာဝန်ထမ်းဆောင်ခဲ့သည်။
ကိုကိုရေးသားခဲ့သောစာအုပ်များအနက် ယောကျ်ားဆိုတာ၊ ပိတောက်တွေပွင့်မှဖြင့် လက်ရွေး စင်ဝတ္ထုတိုများ၊ လင်းလုပါပြီ၊ မေ့သက်မှူး၊ ပိတောက်တွေပွင်ပြန်ပေါ့၊ အသည်းကမ္ဘာဝယ်၊ ခရုအိမ်တို့ မှာ ထင်ရှားသည်။
၁၉၆၃ ခုနှစ်တွင် မောင်ကျော်သာနှင့် ပူးတွဲရေးသော ဤသစ်ဆုံဝတ္ထုဖြင့် အနုပညာစာပေ ဆိုင်ရာ ဝတ္ထုရှည် တတိယဆုကိုရရှိခဲ့သည်။ မော်ကွန်းဝင် ပထမဆင့်ရရှိခဲ့သည်။ လုံးချင်းဝတ္ထု နှစ်ဆယ်ခန့်နှင့်ဝတ္ထုတို ငါးဆယ်ခန့်အပြင် ရုပ်ရှင်ဇာတ်ညွှန်းများကိုလည်း ရေးသားခဲ့သည်။ ၁၉၉၂ ခုနှစ် စက်တင်ဘာလ ၁၈ ရက်နေ့တွင် ကွယ်လွန်သည်။