ကိုယ်ရေးအကျဉ်း

စာရေးဆရာ Picture

ကြယ်နီ

အဖ ဦးပိ၊ အမိ ဒေါ်စောမြတို့မှ ဓနုဖြူမြို့နယ်၊ ဧရာဝတီတိုင်း၊ ဗျင်းတွဲရွာ၌ ၁၉၂၂ ခုနှစ်တွင် မွေးဖွားသည်။ မွေးချင်း ငါးယောက်အနက် ဒုတိယသားဖြစ်သည်။ အမည်ရင်းမှာ ဦးမြင့်ဆွေဖြစ်သည်။ ပထမလတ်တန်းနှင့် တရုတ်စာ တစ်ဆယ့်သုံးတန်းအောင်ခဲ့သည်။ ၁၉၅၀ ပြည့်နှစ်၊ ဧပြီလ ထုတ် ရှုမဝရုပ်စုံ မဂ္ဂဇင်း အမှတ် (၃၅) တွင် ပါသည့် “ကိုတံငါ”ဝတ္ထုမှာ ရေလုပ်သား ဘဝသရုပ်ဖော် ဝတ္ထုတိုပေါင်း (၁၆)ပုဒ်၊ မြစ်ဝကျွန်းပေါ် တံငါလုပ်သားဘ၀ သရုပ်ဖော်ဝတ္ထု (၄) ပုဒ် စုစုပေါင်း (၂၀) ပုဒ် ရေးသားခဲ့သည်။ ရေလုပ် သားတံငါ သည် များအကြောင်း ပထမဆုံးနှင့် အစဉ်တစိုက်ရေးဖွဲ့ခဲ့သည့် စာရေးဆရာတစ်ဦးဖြစ်သည်။ ၁၉၅၀ ပြည့်မှ ၁၉၅၃ ခုနှစ်အထိ ရှုမဝ၊ မြဝတီ၊ စာပေဗိမာန်မဂ္ဂဇင်း၊ လင်းယုန်ဂျာနယ်နှင့် သတင်းစုံဂျာနယ်တွင် ကလောင်အမည် ရင်းဖြင့် ကလောင်ခွဲ “ပွင့်သစ်”၊ မြန်မာ့ကျေး လက်စရိုက်ဘဝ၊ ဓလေ့ထုံးတမ်း၊ ခေတ်ပြိုင်ခံစားမှု၊ ရေမြေသဘာဝရှုခင်းနှင့် မြို့နေပွဲစားတို့၏ အမြီးအမောက်မတည့်မှု ကို သရော်လှော် ပြောင်သည့် ဝတ္ထုတို (၁၄) ပုဒ်ခန့် ရေးခဲ့သည်။ ၁၉၅၄ မှ ၁၉၅၆ ခုနစ်အထိ ရှုမ၀ မဂ္ဂဇင်းတွင် တရုတ်စာပေ၊ ပညာရှင်များ၏ အတ္ထုပ္ပတ္တိနှင့် တရုတ်ဝတ္ထု (၉) ပုဒ်ခန့်ကိုလည်း ဘာသာ ပြန်ခဲ့သည်။ ရေးသားခဲ့သောဝတ္ထုတိုများကို စုပေါင်း၍ ကိုတံငါ(၁၉၆၄)နှင့် ကြယ်နီ၏ဝတ္ထုတိုပေါင်း ချုပ်(၂၀၀၁)ကို ထုတ်ဝေခဲ့သည်။ ၁၉၅၇ ခုနှစ်တွင် စိတ်ရောဂါဝေဒနာကြောင့် စာရေးခြင်းမှနားခဲ့ သည်။
၁၉၇၄ ခုနှစ်၊ အောက်တိုဘာလ ၂၆ ရက်၊ စနေနေ့ နံနက် ၆ နာရီအချိန် တွင် ဓနုဖြူနေအိမ်၌ ကွယ်လွန်ခဲ့ပါသည်။