ကိုယ်ရေးအကျဉ်း

စာရေးဆရာ Picture

ကိုရိုးကွန့်

အဖ ဦးသောင်းစိန်၊ အမိ ဒေါ်ခင်အေးတို့က ၁၉၅၅ ခုနှစ်၊ ဖေဖော်ဝါရီလ ၂၃ ရက်တွင် ညောင်ဦး မြို့နယ်၊ထောင့်ကြီး ရွာ၌ မွေးဖွားသည်။ အမည်ရင်းမှာ ဦးခင်မောင်ဦး ဖြစ်သည်။ မန္တလေးဝိဇ္ဇာနှင့်သိပ္ပံ တက္ကသိုလ်တို့တွင်ပညာသင် ကြား ခဲ့ပြီး B.Sc (Geology) ဘွဲ့ရရှိခဲ့သည်။
ထို့နောက် ဆည်မြောင်းဦးစီးဌာ၊ ဆည်တော်ကြီးဘက်စုံရေလှောင်တမံစီမံကိန်းတွင် ဒု-ဦးစီးမှူး (ဘူမိ ဗဒ လုပ်ငန်းပြ)အဖြစ်လည်းကောင်း၊ ၁၉၈၁ ခုနှစ်မှစ၍ ဘူမိဗေဒလေ့လာရေးနှင့် ဓာတ်သတ္တုရှာ ဖွေရေး ဦးစီး ဌာနတွင်လည်းကောင်း တာဝန်ထမ်းဆောင်သည်။ ၁၉၈၅ခုနှစ် တွင် အလုပ်မှနုတ်ထွက်ခဲ့ သည်။၁၉၉၁ ခုနှစ်တွင် မြန်မာ့ဓနစီးပွားရေးမဂ္ဂဇင်းတွင် အယ်ဒီတာအဖွဲ့ဝင်အဖြစ်ဆောင်ရွက်ရင်း ရသပါသော စီးပွားရေး ဆောင်းပါး ရှည်များ ရေးသားခဲ့သည်။ ၁၉၉၄ ခုနှစ်တွင် ကြော်ငြာနှင့် ဈေးဝယ် လမ်းညွှန်မဂ္ဂဇင်း၊ ၁၉၉၈ ခုနှစ်တွင် သက်တန့်ရောင်သတင်းဂျာနယ်နှင့် ၂၀၀၀ ပြည့်နှစ်တွင် ရတီ ကျောက်မျက်နှင့် လက်ဝတ်ရတနာမဂ္ဂဇင်းများတွင် အယ်ဒီတာချုပ်အဖြစ်လည်းကောင်း ၂၀၀၃ ခုနှစ်မှ စ၍ နန်းမြင့် sဂျာနယ်၊ အောင်ပင်လယ်မဂ္ဂဇင်းတို့တွင် အယ်ဒီတာချုပ်အဖြစ်လည်းကောင်း တာဝန်ယူခဲ့ သည်။ ၁၉၉၇ ခုနှစ်တွင် တောင်ကိုရီးယားနိုင်ငံသို့ စာနယ်ဇင်းလေ့လာရေး ပြည်ပခရီးစဉ်အဖြစ် သွား ရောက်ခဲ့သည်။ ၂၀၀၂ ခုနှစ် သြဂုတ်လတွင် အမေရိကန်နိုင်ငံ UNIVERSITY OF CALIFORNIA AT BERKELEY တွင် Journalism သင်တန်းများတက်ရောက်ခဲ့သည်။
၁၉၈၄ ခုနှစ် မေလထုတ် စန္ဒာမဂ္ဂဇင်းတွင် “ကြိုဆိုပါသည်”ဝတ္ထုတိုဖြင့် စာစတင်ရေး သားခဲ့သည်။ စိန်လွန်တူးသမား၏ အဖွင့်အပိတ်တံခါးနှင့်အခြားဝတ္ထုတိုများစာမူဖြင့် ၁၉၈၄ ခုနှစ်တွင် စာပေဗိမာန်စာမူဆု ဝတ္ထုတိုပေါင်းချုပ်ဖြင့် ပထမဆုရခဲ့သည်။ ၁၉၈၇ ခုနှစ်တွင် အမျိုးသားစာပေ ဝတ္ထုတိုပေါင်းချုပ်ဆုကို ထပ်မံရရှိသည်။
ရေးသားခဲ့သည့်စာအုပ်များမှာ (၁) စိန်လွန်တူးသမား၏အဖွင့်အပိတ်တံခါးနှင့် အခြားဝတ္ထုတို များ(၁၉၈၇)၊ (၂)ကိုရိုးကွန့်ဝတ္ထုတို များ(၁၉၉၀)၊ အောင်ပင်လယ်လေပြည်ညှင်းဝတ္ထုတိုများ (၁၉၉၀) (မန္တလေးစာရေးဆရာနှင့်ပူးတွဲထုတ်လျက်)၊ (၄)မညိုပြာ၏နှင်းဆီခင်း(၁၉၉၀)၊ (၅) ပဉ္စရူပမဂ္ဂဇင်းဝတ္ထု ရှည်များ(၁၉၉၁)၊ (၆) ဇာတ်ခုံ(၁၀)တွဲ (၁) (၁၉၉၄)၊ (၇) ဇာတ်ခုံ(၁၀)တွဲ (၂)(၁၉၉၄)၊ (၈) ချစ်တယ် ကြိုက်တယ်ဆိုတာ ဘယ်လိုဟာမျိုးခေါ်ပါသလဲလို့ မောင်ဘုရားကို ပြောစမ်းပါနှမတော်လေးရယ်နှင့် အခြားဝတ္ထုသစ်များ(စာရေးဆရာ သုံးဦးနှင့် ပူးတွဲလျက်) (၁၉၉၄)၊ (၉) ကိုယ်လိုလူစားအများကြီးပဲ၊ (မြန်မာနိုင်ငံမှစာရေးဆရာများနှင့်ပူးတွဲ၍ The Daido Life Foundation က ဂျပန်ဘာသာဖြင့် ထုတ်ဝေသည်) (၁၉၉၅) အစရှိသည်တို့ဖြစ်သည်။