ကိုယ်ရေးအကျဉ်း

စာရေးဆရာ Picture

တောင်တွင်းကိုကိုကြီး

အမည်ရင်းမှာ ဦးကိုကိုကြီးဖြစ်ပြီး ကလောင်အမည်ခွဲမှာ မောင်စန္ဒဖြစ်သည်။ အဖ ဦးဘိုးထိန်၊ အမိ ဒေါ်စံရှင်တို့မှ ၁၉၁၃ ခုနှစ်၊ ဖေဖော်ဝါရီလ ၁၅ ရက်တွင် တပ်ကုန်းမြို့နယ်၊ ရှောက်ကုန်းကျေးရွာ၌ မွေးဖွားသည်။ မွေးချင်း သုံးယောက်တွင် အကြီးဆုံးဖြစ်သည်။
၁၉၄၁ ခုနှစ် ၁၀ တန်းအောင်မြင်ခဲ့ပြီး ၁၉၃၈ ခုနှစ်တွင် ဆရာဖြစ် သင်တန်းအောင်မြင်ခဲ့သည်။
၁၉၃၃-၁၉၄၀ ခုနှစ်တွင် တောင်တွင်းကြီး ရှင်ဥက္ကဋ္ဌအမျိုးသားကျောင်း၌တစ်ဖက်မှ စေတနာ့ ဝန်ထမ်းဆရာလုပ်ရင်း တစ်ဖက်မှလည်း နိုင်ငံရေးလုပ်ခဲ့သည်။ ၁၉၃၅ ခုနှစ်တွင် တို့ဗမာအစည်းအရုံး ၏ အတွင်းရေးမှူးနှင့် လက်ရုံးတပ်တာဝန်ခံအဖြစ်လည်းကောင်း၊ ၁၉၄၀-၄၁ ခုနှစ်တွင် မန္တလေးမြို့ ဗုဒ္ဓဘာသာသာသနနုဂ္ဂဟ အမျိုးသားကျောင်း၌ ကျောင်းဆရာအဖြစ်လည်းကောင်း၊ ၁၉၄၂ ခုနှစ်တွင် ဘီအိုင်အေအုပ်ချုပ်ရေးအဖွဲ့ အာရှလူငယ်အစည်းအရုံး၌ တာဝန်ထမ်းဆောင်ပြီး ၁၉၄၂-၄၅ ခုနှစ်တွင် ဂျပန်တော်လှန်ရေးမှာပါဝင်ခဲ့သည်။ ၁၉၄၅-၄၆ ခုနှစ်တွင် မကွေးခရိုင်တောင်ပိုင်း ဖဆပလ ပြန်ကြား ရေးမှူး အဖြစ်လည်းကောင်း၊ ၁၉၄၇-၄၈ ခုနှစ်တွင် တောင်တွင်းကြီးမြို့နယ်နှင့် မကွေးခရိုင် အမှုထမ်း ပေါင်းစုံ သမဂ္ဂစည်းရုံးရေးနှင့် နိုင်ငံရေးတာဝန်ခံအဖြစ်လည်းကောင်း၊ ၁၉၄၈ ခုနှစ်တွင် စာပေဗိမာန်၌ စာပြု အဖြစ်ဆောင်ရွက်သည်။ ၁၉၄၉ ခုနှစ်တွင် ပါတီတွင် ပညာရေးဗျူရိုအဖွဲ့ဝင်အနေဖြင့်လည်း ကောင်း၊ ဗျူရိုတာဝန်ခံအနေဖြင့်လည်းကောင်း တာဝန်ယူလုပ်ကိုင်ခဲ့သည်။ ၁၉၅၇ ခုနှစ်တွင် အလွတ် ပညာသင် ကျောင်းဆရာအဖြစ်လည်းကောင်း၊ ၁၉၆၀ ခုနှစ်တွင် ရန်ကုန်၌ အလွတ်ပညာသင် ကျောင်းဆရာလုပ်ရင်း၊ စာရေးခြင်း အစရှိသည့်လုပ်ငန်းများလုပ်ဆောင်ခဲ့ပါသည်။
၁၉၃၇-၃၈ ခုနှစ်တွင် တိုးတက်ရေးမဂ္ဂဇင်း၌ လီနင်အတ္ထုပ္ပတ်္တိကို မြန်မာဘာသာသို့ ပထမဆုံး ပြန်ဆိုကာ စာစတင် ရေးသားခဲ့သည်။ ရေးသားခဲ့သည့်စာအုပ်များမှာ ၁၉၃၈ ခုနှစ်တွင် တီနက်ဆင် ဂျက်ဆီရေးသည့် Lacqyer Lady ကို ယွန်းဒေဝီအမည်နှင့် ဘာသာပြန်၊ ကီမယ်ပါးရှား အတ္ထုပ္ပတ်္တိ၊ (၁၉၃၈)အပါအဝင် နိုင်ငံရေးဆောင်းပါးများရေးခဲ့သည်။ ဘားမားဂျာနယ်၊ တိုးတက်ရေး မဂ္ဂဇင်းတို့၌ ဘာသာပြန်အတ္ထုပ္ပတ်္တိနှင့်ဆောင်းပါးများ ရေးခဲ့သည်။ ပြည်သူ့ရဲဘော်ပါတီ ဗျူရိုအတွက် လည်း ပလက်ခ်နော့ဗ်၏ တက္ကဗေဒနှင့်အနုလောမ ပဋိလောမနည်း၊ ဟောဝဒ်ဆယ်လ်ဆင်၏ အဘိ ဓမ္မာဆိုတာဘာလဲ၊ ကွန်မြူနစ်ကြေညာစာတမ်း၊ မော်စီတုံး၏ပဋိပက္ခနှင့် သဘောတရားရေးဆိုင်ရာ၊ အခြားစာအုပ်အများအပြားကို ပြန်ဆိုရေးသားခဲ့သည်။
ထို့အပြင် နိုင်ငံရေး၊ အဘိဓမ္မာ၊ သမိုင်းဆိုင်ရာစာအုပ်များကို ပြန်ဆိုရေးသားသည်။ ယင်းတို့ အနက် ဘုံရိပ်သာ၊ ပုရစ်လူရည်ချွန်မှတ်တမ်း(၁၉၆၆)နှင့် ယနေ့ဆိုရှယ်လစ်၏မနက်ဖြန်(၁၉၆၄)တို့မှာ ထင်ရှားသည်။ မန္တလေးလူထုသတင်းစာ၊ လူထုဂျာနယ်၊ ရှုမဝမဂ္ဂဇင်းနှင့် ချစ်တွင်းဂျာနယ်တို့တွင် ကလေးများအတွက် ဆောင်းပါးပုံပြင် ၂၀၀ ကျော်ရေးခဲ့သည်။ ဝတ္ထုတိုရှည်နှင့်ဆောင်းပါးအချို့ကိုမူ “မောင်စန္ဒ”အမည်ဖြင့် ရှုမဝ၊ ငွေတာရီ စသည်တို့တွင်ရေးသည်။ စန္ဒရအင်္သာ၊ ဝိရကမောဝါသီ (သက္ကတဝတ္ထု)၊ ဗုဒ္ဓဝါဒပြဿနာ များ၊ ဂေါ်ကီ(၁၉၆၈)၊ အမေ(၁၉၆၁)၊ သူတို့သုံးယောက် [The Three] (ဘာသာပြန်ဝတ္ထု)(၁၉၇၁)၊ စီးပွား ရေးပါရဂူ [The Financial Expert by R. K. Narryan ] (၁၉၇၂)၊ ဂေါ်ကီ၏ဂန္ထဝင်မြောက် အီတာလျံ ဝတ္ထုတိုများ(၁၉၇၃) စသည်တို့ဖြစ်သည်။
စာပေနယ်ပယ်တွင် ၁၉၇၁ ခုနှစ်တွင် သူတို့သုံးယောက် [The Three] (ဘာသာပြန်ဝတ္ထု)ဖြင့် အမျိုးသားစာပေဆုရရှိခဲ့သည်။

စိတ်မကောင်းပါ၊ သင့်ရှာဖွေမှုနှင့်ကိုက်ညီသောစာအုပ်မရှိပါ....