ဆယ်ကျော်သက်အား နားလည်ခြင်းနှင့် မိဘတို့၏ ဝဋ်ဆင်းရဲဒုက္ခ

လူ့လောက ပတ်ဝန်းကျင်ကို စိတ်အဝင်စားဆုံးအရွယ်မှာ ဆယ်ကျော်သက်အရွယ် ဖြစ်ပါသည်။ ထို့ပြင် လူ့လောကဝန်းကျင်ကို အထင်ကြီး အလေးစားဆုံးနှင့် ဝင်ဆန့်ချင်ဆုံး အရွယ်မှာလည်း ၎င်းဆယ်ကျော်သက် အရွယ်ပင် ဖြစ်ပါသည်။ သို့ဖြစ်ရာ ဆယ်ကျော်သက်တို့နှင့် ပတ်သက်၍ မိဘတို့ ခံစားကြရမည့် ဝဋ်ဒုက္ခအပေါင်း အား များပြားလှပါသည်။ ထို ဝဋ်ဆင်းရဲအပေါင်းအား သည်းခံ၍ ထိန်းသိမ်းကိုင်တွယ်နိုင်ပါမှ မိမိတို့၏ ဆယ်ကျော်သက် သားသမီးများ၏ ဘဝခရီးလမ်း ဖြောင့်ဖြူးနိုင်မည် ဖြစ်ပါသည်။
ဤစာအုပ်၌ သင်၏ ဆယ်ကျော်သက်ရွယ် သားသမီးတို့နှင့် ပတ်သက်၍ ၎င်းတို့၏ စိတ်နေသဘော သဘာဝ၊ မိဘတို့ ရှောင်ကြဉ်ရမည့် ကိစ္စများ၊ ၎င်းတို့၏ တုံ့ပြန်မှုများ စသည်တို့ကို အသေးစိတ်တင်ပြကာ ဖြေရှင်းကိုင်တွယ်ရမည့် နည်းလမ်းများနှင့်တကွ ပြုစုထားပါသည်။